کوئٹہ سمیت بلوچستان کے مختلف علاقوں میں بارش کے بعد موسم سرد ہوگیا

کوئٹہ(ڈیلی گرین گوادر) کوئٹہ سمیت بلو چستان کے مختلف علاقوں میں بارش کے بعد موسم سرد ہوگیا۔ محکمہ موسمیات کے مطابق ہفتہ کو بلو چستان کے ضلع بارکھان، آواران، ہر نائی، تربت، خضدار، مو سیٰ خیل، شیرانی، زیارت اوروادی کوئٹہ میں بارش کا سلسلہ جا ری رہا جس کے بعد موسم سرد ہو گیا۔ محکمہ موسمیات کے مطابق بارکھان میں 16، دالبندین میں 3 اور خضدارمیں 1 ملی میٹر بارش ریکارڈ کی گئی، محکمہ موسمیات کے مطابق آج (اتوار) کو پنجگور اور تربت میں تیز ہواؤں اور گرج چمک کے ساتھ بارش کا امکان ہے۔