ارشد پپو قتل کیس،عزیر بلوچ اور بھائی کی درخواست ضمانت مسترد
کراچی(ڈیلی گرین گوادر) عدالت نے ارشد پپو سمیت تین افراد کے قتل کیس میں عزیر بلوچ اور ان کے بھائی کی درخواست ضمانت مسترد کردی۔
کراچی کی انسداد دہشتگردی عدالت میں لیاری گینگ وار کے اہم کردار ارشد پپو سمیت تین افراد کے قتل کیس کی سماعت ہوئی۔
عدالت نے لیاری گینگسٹرعزیر بلوچ اور ان کے بھائی زبیر بلوچ کی درخواست ضمانت مسترد کردی۔
پولیس کا کہنا ہے کہ ملزمان نے 2013 میں ارشد پپو، یاسر عرفات اور شیرا پٹھان کو قتل کردیا تھا، ملزمان پر اغوا، قتل سمیت دہشت گردی کے الزامات ہیں۔
واضح رہے کہ ارشد پپو قتل کیس میں سابق رکن قومی اسمبلی شاہ جہاں بلوچ، ذاکر ڈاڈا سمیت دیگر بھی نامزد ہیں۔
