پشین، لیویز فورس کا منشیات بنانے والی تین گوداموں پر چھاپہ، کرسٹل اور مختلف کمیکلز برآمدمنشیات کے 3 ٹھکانے نذرآتش

پشین(ڈیلی گرین گوادر) کمشنر کوئٹہ ڈویژن حمزہ شفقات ڈی جی بلوچستان لیویز فورس نصیب اللہ خان کاکڑ اور ڈپٹی کمشنر کیپٹن ریٹائرڈ جمیل احمد بلوچ کی خصوصی ہدایت پر اسسٹنٹ کمشنر پشین ارسلان چوہدری نے لیویز فورس کے ہمراہ انسداد منشیات آپریشن کرتے ہوئے یارو کے علاقے میں منشیات بنانے والی تین گوداموں پر چھاپہ مارکر بڑی مقدار میں عمان، کرسٹل اور میتھ سمیت مختلف کمیکلز برآمد کرکے موقع پر تلف کردیں منشیات کے ٹھکانوں کو موقع پر نذرآتش کردیا۔ ڈپٹی کمشنر پشین کیپٹن ریٹائر جمیل احمد بلوچ نے بتایا کہ تلف ہونیوالی ”عمان، کرسٹل اور میتھ کی مالیت لاکھوں روپے ہے۔ڈپٹی کمشنر پشین نے کہا کہ کامیاب اپریشن پر لیویز فورس کو داد دیتے ہیں انہوں نے مزید کہا کہ ضلعی انتظامیہ منشیات کے تدارک اور منشیات سے پاک معاشرے کے قیام کیلئے کوشاں ہیں۔