پنجگور تین مختلف واقعات میں ایک شخص جاں بحق خاتون سمیت 4 افراد زخمی
پنجگور (ڈیلی گرین گوادر) پنجگور تین مختلف واقعات میں فائرنگ سے ایک شخص جاں بحق خاتون سمیت 4 افراد زخمی ہو گئے۔ تفصیلات کے مطابق پنجگور کے علاقے تارآفس میں مسلح موٹر سائیکل سواروں نے فائرنگ کرکے لطیف ولد دوست محمد کو قتل کردیا جبکہ فائرنگ کی زد میں آکر مسماۃ زر بنت زمان زخمی ہوگئی پولیس کے مطابق مقتول لطیف اور مسماۃ زر کو گھر سے نکلتے ہی فائرنگ کرکے نشانہ بنایا گیا جبکہ اے ایریا وشبود میں مسلح افراد نے چنگ چی رکشہ کو روک اس میں سوار دو افراد مسلم ولد عبدالخالق محمد نظر ولد رحیم بخش ساکنان کو فائرنگ کرکے زخمی کردیا بی ایریا میں دو گروہوں کے درمیان مسلح تصادم کے نتیجے میں ملک محمد نامی شخص زخمی ہوگیا جنہیں ابتدائی طبی امداد دینے کے بعد کراچی منتقل کردیا گیا۔
