مستونگ دھماکا : زخمیوں کے علاج معالجے میں کوئی کسر اٹھا نہ رکھی جائے گی، سرفراز احمد بگٹی

مستونگ (ڈیلی گرین گوادر) وزیر داخلہ سرفراز احمد بگٹی نے مستونگ میں دھماکے کی شدید الفاظ میں مذمت کی اور دھماکے میں قیمتی جانوں کے ضیاع پر گہرے دکھ اور افسوس کا اظہار کیا۔انہوں نے کہا کہ معصوم لوگوں پر حملہ انتہائی قبیح عمل ہے، دہشت گردوں کا کوئی دین اور مذہب نہیں ہوتا، ریسکیو آپریشن اور امدادی کارروائیوں میں تمام وسائل کو بروئے کار لایا جائے گا، زخمیوں کے علاج معالجے میں کوئی کسر اٹھا نہ رکھی جائے گی، دہشت گرد عناصر کسی رعایت کے مستحق نہیں، دہشت گردوں سے نمٹنے کے لیے زیرو ٹالرنس پالیسی پر عمل پیرا ہیں۔