بلو چستان میں کسٹمز حکام کی مختلف کاروائیوں میں 5کروڑ روپے مالیت کا غیر ملکی سامان بر آمد

کوئٹہ(ڈیلی گرین گوادر) بلو چستان میں کسٹمز حکام نے مختلف کاروائیوں میں 5کروڑ روپے مالیت کا غیر ملکی سامان بر آمد کر لیا۔ ترجمان کسٹمز حکام کے مطابق کوئٹہ کسٹمز نے کاروائی کر تے ہوئے بڑی تعداد میں ڈرائے فروٹ جس میں پستہ،بادام چنے، چینی اور یوریا کھاد برآمد کر لی۔جبکہ کسٹمز کے رکھنی فیلڈ انفورسمنٹ یونٹ نے ایک ٹرک سے تلاشی کے دوران ڈرائے فروٹ اور چنے بر آمد کر کے قبضے میں لے لئے۔ ترجمان کے مطابق اسی طرح دالبندین فیلڈ انفورسمنٹ یونٹ نے دیگر قانون نافذ کرنے والے اداروں کے تعاون سے 800 بیگز یوریا اور 100 پارسلز چینی برآمد کر لی جس کی ما لیت 5کروڑ روپے بنتی ہے۔