کراچی، مسجد کے کمرے سے پیش امام کی پانچ روز پرانی لاش برآمد
کراچی (ڈیلی گرین گوادر) کیماڑی میں مسجد کے کمرے سے پیش امام کی 5 روز پرانی لاش برآمد ہوئی مچھر کالونی بنگالی پاڑہ میں قائم بیت المکرم مسجد کے پیش امام 55 سالہ عطا اللہ پانچ دن سے لاپتا تھے۔ انہیں تلاش کیا جارہا تھا مگر نہیں ملے۔
آج مسجد کے کمرے سے تعفن اٹھنے پر علاقہ مکینوں نے وہاں جاکر دیکھا تو پیش امام کی لاش پڑی ہوئی تھی جس پر محلے والوں نے پولیس اور ریسکیو ٹیم کو اطلاع دی۔
ریسکیو ٹیم نے لاش کو ضابطے کی کارروائی کیلئے سول اسپتال منتقل کردیا۔ پولیس کے مطابق پوسٹ مارٹم کے بعد صحیح صورتحال سامنے آئے گی۔
