کراچی، پڑوسیوں کے مابین گاڑی کی پارکنگ کے تنازع پر فائرنگ سے 2 افراد جاں بحق

کراچی(ڈیلی گرین گوادر) لیاقت آباد ایف سی میں پڑوسیوں کے مابین گاڑی کی پارکنگ کے تنازع پر فائرنگ سے 2 افراد جاں بحق اور 3 زخمی ہوگئے۔

اس حوالے سے پولیس نے بتایا کہ گاڑی پارک کرنے پر تنازع ہوا اور دونوں فریقین نے ایک دوسرے پر فائرنگ کردی اور دونوں جانب سے ایک ایک فرد جاں بحق ہوا ہے۔

پولیس کے مطابق دونوں فریقین کے متعلقہ افراد کے بیانات کیے جارہے ہیں، تنازع کی اطلاع پہلے ملی ہوتی تو واقعہ سے قبل ہی کارروائی کرتے۔ دوسری جانب علاقہ مکین نے بتایا کہ دو روز سے پڑوسیوں کے درمیان جھگڑے چل رہا تھا اور اسی وجہ سے محلے میں کشیدگی چل رہی تھی۔