پنجگور، مون سون کی بارشوں کا سلسلہ جاری،1 شخص سیلابی ریلا میں بہہ کر جاں بحق

پنجگور (ڈیلی گرین گوادر) پنجگور میں مون سون کی بارشوں کا سلسلہ منگل کے روز بھی جاری رہا،دریائے رخشان اور اسکے ملحقہ ندیوں میں طغیانی ایک شخص سیلابی ریلا میں بہہ کر جاں بحق ہوگیا جبکہ تین موٹر سائیکلیں اور ایک گاڑی بھی ریلوں کی نذر ہوگئے پولیس نے سیلابی ریلے میں بہہ کر جاں بحق ہونے والے شخص کی نعش کو نکال کرہسپتال پہنچایا جو تاحال عدم شناخت کی وجہ سے اسپتال کے مردہ خانہ میں پڑی ہے پنجگور میں پیر سے شروع ہونے والی طوفانی بارشوں سے مختلف علاقوں میں کچے مکانات اور چاردیواریاں بھی گری ہیں جبکہ کھجوراور انگور کی فصلات بھی بری طرح سے متاثر ہوچکے ہیں جس سے زمینداروں کو امسال بھی کروڑوں روپے کے نقصانات کا سامنا ہے۔