اوتھل پو لیس کی کاروائی کراچی سے چھینی گئی موٹرسائیکل برآمد ملزم گرفتار

اوتھل (ڈیلی گرین گوادر) اوتھل میں پو لیس نے کاروائی کر تے ہوئے کراچی سے چھینی گئی موٹر سائیکل برآمد کر کے ملزم کو گرفتار کر لیا۔ لسبیلہ پولیس کے ترجمان کے پریس ریلیز کے مطابق ایس ایچ او اوتھل جان محمد جاموٹ نے اپنی پولیس ٹیم کے ہمراہ دوران سنیپ چیکینگ مین آر سی ڈی روڈ زیرو پوائنٹ اوتھل کے مقام پر کراچی کی جانب سے اوتھل آنے والی ایک موٹر سائیکل کو مشکوک جان کر روکا اور موٹر سائیکل کے کاغذات طلب کئے معلوم کرنے پر موٹر سائیکل سوار نے اپنا نام سعید الرحمن ولد سید عبدالباری سکنہ پشین بتایا۔ موٹر سائیکل ہنڈا 125-CG رجسٹریشن نمبر نامعلوم کی معلومات کرنے پر پتہ چلا کہ ہنڈا CG.125 موٹر سائیکل تھانہ سرجانی ٹاؤن کراچی کے حدود سے چوری کی گئی تھی۔ ملزم سعید الرحمن نے چوری شدہ موٹر سائیکل قبضہ میں رکھ کر جرم زیر دفعہ 411 ت پ کا ارتکاب کیا ہے۔اوتھل پولیس نے ملزم کے خلاف مقدمہ نمبر 64/2023 درج رجسٹرڈ کرکے مزید تفتیش شروع کردی ہے۔