پی ڈی ایم کے اندر فضا ابر آلود ہے، ن لیگ اور پیپلزپارٹی کے راستے بھی جدا ہونے والے ہیں، شاہ محمود قریشی

اسلام آباد (ڈیلی گرین گوادر) پاکستان تحریک انصاف کے وائس چیئرمین شاہ محمود قریشی نے کہا ہے کہ آئی ایم ایف کی ٹیم سے ملاقات بہت اچھی رہی تھی، ہم نے سٹینڈ بائی معاہدہ کو پاکستان کی خاطر سپورٹ کیا، سپورٹ نہ کرتے تو ڈیفالٹ کا خطرہ تھا۔اسلام آباد کی انسداد دہشتگردی عدالت کے باہر میڈیا سے بات چیت پی ٹی آئی رہنما نے کہا کہ مولانا فضل الرحمن ن لیگ سے نالاں دکھائی دے رہے ہیں، پی ڈی ایم کے اندر فضا ابر آلود ہے، ن لیگ اور پیپلزپارٹی کے راستے بھی جدا ہونے والے ہیں ۔ دیکھتے ہیں اونٹ کس کروٹ بیٹھتا ہے۔

کرکٹ ورلڈ کپ کے حوالے سے شاہ محمود قریشی کا کہنا تھا کہ دنیا کی نظریں ورلڈ کپ پر لگی ہیں، کھیل میں سیاست کو نہیں لانا چاہئے، بھارت کو یہاں آنے پر کرکٹ میں ہچکچاہٹ کیوں ہے؟۔