اغواء ہونے والی بچی ڈیرہ مراد جمالی سے بازیاب ملزم گرفتار
کوئٹہ(ڈیلی گرین گوادر) قائدآباد پولیس نے تین روز قبل علمدار روڈ سے اغوا ہونے والی 13سالہ بچی کو ڈیرہ مراد جمالی سے بازیاب کراکر ایک اغوا کار کو گرفتار کر لیا پولیس کے مطابق علمدار روڈ کے علاقے رئیسانی اسٹریٹ کے رہائشی محمدجاوید نے24 جون کو قائدآباد تھانے میں رپورٹ درج کرالی تھی کہ اس کی 13سالہ بچی کشمالہ کو نامعلوم افراد نے اغوا کر لیا ہے پولیس نے مقدمہ درج کر کے ملزمان کی تلاش شروع کی ڈی آئی جی کوئٹہ غلام اظفر میسر نے واقعہ کا نوٹس لیتے ہوئے ایس پی قائدآباد ڈویژن محمد آصف یوسف زئی کو بچی کی فوری بازیابی کی ہدایت کی جس پر ایس پی نے اے ایس پی عبداللہ چیمہ اور ایس ایچ او محمد نصر کی سربراہی میں ٹیم تشکیل دی جس نے جدید ٹیکنالوجی کا استعمال کرتے ہوئے تین روز میں اغوا کار کا سراغ لگا یا اور ٹیم نے ڈیرہ مراد جمالی میں کارروائی کرتے ہوئے بچی کو بازیاب کراکر اغوا کار عدنان کو گرفتار کر لیا۔
