تھانہ بیلہ پولیس کی کاروائی چوری کی مختلف کاروائیوں میں ملوث 4 ملزمان گرفتار

اوتھل (ڈیلی گرین گوادر) تھانہ بیلہ پولیس کی کاروائی چوری کی مختلف کاروائیوں میں ملوث 4 ملزمان گرفتار، چوری شدہ سامان برآمدکر لیا گیا۔لسبیلہ پولیس کے ترجمان کے پریس ریلیز کے مطابق تھانہ بیلہ پولیس نے کارروائی کرتے ہوئے دو چوری کے مقدمات میں ملوث دو ملزمان کو مقدمات نمبر 65/2023,67/2023 بجرم 379 ت پ تھانہ بیلہ میں مطلوب ملزمان طریف ولد محمد اصغر سکنہ محلہ ریسٹ ہاؤس بیلہ کو گرفتار کرکے ملزم کے قبضہ سے چوری شدہ آٹھ کاٹن ٹائلز برآمد کیے جو ملزم نے ہندو برادری کے شمشان گھاٹ بیلہ سے چوری کیے تھے جبکہ دوسرے ملزم محمد خان ولد محمد عیسیٰ سکنہ بھگیاڑی گوٹھ بیلہ کو گرفتار کرکے چوری شدہ سولر انویٹر برآمد کیا جوکہ ملزم نے محمد عثمان سکنہ مریدانی گوٹھ بیلہ کی زرعی زمین سے چوری کیا تھا۔ جب کہ ایک اور کامیاب کارروائی عمل میں لاتے ہوئے مقدمہ نمبر 68/2023 بجرم 380-457 ت پ تھانہ بیلہ میں ملوث مطلوب ملزم محمد ابراھیم ولد قادر بخش سکنہ محلہ ریسٹ ہاؤس بیلہ کو گرفتار کرکے ملزم کے قبضہ سے چوری شدہ ٹرالی،جنریٹر کے پارٹس،ایک عدد بیلچہ اور دس ٹکڑے سریا برآمد کیا۔ ملزم نے اصغر علی موندرہ کے گودام واقع نزد گیدرو شاہ ہوٹل بیلہ کے مقام سے چوری کیئے تھے۔گرفتار ملزم سے مزید تفتیش جاری ہے۔