چترال، ڈبل کیبن گاڑی کھائی میں گرنے سے پانچ افراد جاں بحق اور 15، زخمی

چترال (ڈیلی گرین گوادر) چترال میں ڈبل کیبن گاڑی کھائی میں گرنے سے پانچ افراد جاں بحق اور 15 زخمی ہوگئے۔ دیرسے دمیل نسار لوئر چترال جانے والی ڈبل کیبن ڈاٹس گاڑی نمبر 4616 چھانگول عشریت کے مقام پر کھائی میں جاگری جس کے سبب پانچ افراد جاں بحق ہوگئے۔

پولیس کے مطابق زخمیوں کی تعداد بھی زیادہ ہے اور 15 افراد زخمی ہوئے ہیں، جاں بحق ہونے والوں میں دو خواتین اور تین بچے شامل ہیں، لاشوں اور زخمیوں کو تحصیل ہیڈ کوارٹر ہسپتال دروش چترال پہنچادیا گیا ہے۔