مستونگ، کوئٹہ کراچی قومی شاہراہ پر ٹریفک حادثہ، 6 افراد جاں بحق، 10زخمی

مستونگ(ڈیلی گرین گوادر) مستونگ میں کوئٹہ کراچی قومی شاہراہ پر ٹریفک حادثہ6 افراد جاں بحق 10زخمی ہو گئے۔ تفصیلات کے مطابق قومی شاہراہ پر جنگل کراس کے قریب کوئٹہ سے خضدار جانیوالی مسافر ویگن اور مستونگ سے کوئٹہ جانیوالی بس (کوسٹر)کے درمیان ٹریفک کا افسوسناک حادثہ پیش آیاجس کے نتیجے میں میں ایک خاتون سمیت 6 افراد موقع پر شہید جبکہ10 افراد شدید زخمی ہوگئے۔لاشوں اور زخمیوں کو فوری طورپر ہسپتال منتقل کردیاگیاجہاں زخمیوں کو طبی امداد فراہم کر دی گئی۔حادثے کے بعد ہسپتال میں ایمرجنسی نافذ کردی گئی۔تاہم ہسپتال میں ڈاکٹروں سخت کمی دیکھی گئی جس سے زخمیوں کو طبی امدادکی فراہمی میں مشکلات کا سامنا کرنا پڑا۔ٹریفک حادثے میں جاں بحق ہو نے والے افراد میں لیویز اہلکار احسان اللہ ساکن مستونگ، مزمل ساکن گھڑی خیروسندھ، محمدولدگلان ساکن کوئٹہ غلام حیدر ساکن نصیر آباد ڈاکٹر محمد خیر ساکن مستونگ اور ایک خاتون ساکن قلعہ عبداللہ رہائیشی شامل ہے جبکہ زخمی افراد کا تعلق خضدار کوئٹہ سمیت مختلف علاقوں سے ہیں۔طبی امداد کی فراہمی کے بعد تمام زخمیوں کو مزید علاج کیلئے ٹراما سینٹرکوئٹہ منتقل کر دیا گیا۔