نو منتخب کابینہ اچھی صحافت کے فروغ میں بھر پور طریقے سے اپنا کردار ادا کرینگے، ڈاکٹر اسحاق بلوچ

خاران(ڈیلی گرین گوادر)نیشنل پارٹی کے مرکزی نائب صدر ڈاکٹر اسحاق بلوچ نے رخشان پریس کلب واشک کے نو منتخب صدر اسماعیل عاصم جنرل سیکرٹری شبیر گلفام عیسی زئی نائب صدر ریاض بلوچ ڈپٹی جنرل سیکرٹری حمید بلوچ پریس سیکرٹری الطاف محمدحسنی ودیگر عہدیداروں کو دلی مبارکباد دیتے ہوئے کہا کہ نو منتخب کابینہ اچھی صحافت کے فروغ میں بھر پور طریقے سے اپنا کردار ادا کرینگے اور عوام کے مفادات کا تحفظ کرینگے اپنے قلم اور اس نوبل پیشے کی ساکھ عزت اور روایات کی پاسداری کرتے ہوے تحقیقاتی صحافت کو فروغ دینگے بالخصوص بھتہ مافیا اور عوام عامہ کے مفاد میں ترقیاتی اسکیمات کی تفصیلات کی پرچار کرے کیونکہ آرٹیکل 19 A کے مطابق ہر شہری کو حق حاصل ہے کہ کسی بھی محکمے سے پی سی ون کی تفصیلات اور عوامی مفا میں حاصل کرسکتے ہیں اور حکومتی محکموں کے اصلاح اور انکی کارکردگی کو بہتر بنانے کے لیے اپنی تحریروں کو بروئے کار لائے۔نیشنل پارٹی اچھی صحافت کے فروغ میں صحافی برادری کے ساتھ اور مکمل تعاون کی یقین دہانی کرتی ہے اور صحافیوں کے فلاح بہبود ضلعی سطح پر پریس کلبز کو گرانٹ دینے کی جہد و جہد کریگی اور ہم امید کرتے ہیں کہ وہ بھی اپنے پیشے کی لاج اور احترام کرینگے۔