حب کے ایم سی وندر اور لسبیلہ کے یو سی1،2اور 5 کے بلدیاتی خواتین مخصوص نشستوں کیلئے پولنگ 16 کو ہوگی

کوئٹہ(ڈیلی گرین گوادر) صوبائی الیکشن کمشنر بلوچستان شریف اللہ نے کہا ہے کہ الیکشن کمیشن آف پاکستان کے اعلامیہ کے مطابق بلوچستان کیضلع حب کے ایم سی وندر اور ضلع لسبیلہ کے یو سی 1,2 اور 5 کے بلدیاتی مخصوص نشستیں جو ووٹ کی برابری کی بنیاد پر خالی رہ گئی تھیں ان پر پولنگ آج16 مئی کو صبح آٹھ (8) سے شام پانچ (5) بجے تک جاری رہے گی۔ واضع رہے کہ ضلع حب کے ایم سی وندر کی تین (3) نشستوں پر 7 امیدوار جبکہ ضلع لسبیلہ کی یو سی 1 کی دو (2) نشستوں پر 3 امیدوار، یو سی 2 کی ایک نشست پر دو (2) امیدوار اور یو سی 5 کی دو (2) نشستوں پر تین (3) امیدوار حصہ لے رہے ہیں۔