اوتھل، پولیس کی کاروائی چوری شدہ موٹر سائیکل برآمد ملزم گرفتار

اوتھل (ڈیلی گرین گوادر) اوتھل پولیس کی کاروائی کراچی کے تھانہ جمشید کوارٹر کے علاقے سے چوری کی گئی موٹر سائیکل برآمد کرکے موٹر سائیکل لفٹر کوگرفتار کر لیا۔لسبیلہ پولیس کے ترجمان کے پریس ریلیز کے مطابق اوتھل پولیس تھانہ نے دوران سنیپ چیکنگ کراچی کی جانب سے آنے والی موٹر سائیکل یاماھا سی سی 125 رجسٹریشن نمبر KLV-2358 کو مین آر سی ڈی روڈ زیرو پوائنٹ اوتھل کے مقام پر مشکوک جان کر روک کر چیک کیا تو معلوم ہوا کہ موٹر سائیکل یاماھا رجسٹریشن نمبر متذکرہ بالا کراچی کے تھانہ جمشید کوارٹر کے حدود سے مورخہ 2023-05-04 کو چوری کی گئی ہے۔ مزید دریافت پر موٹر سائیکل سوار ملزم نے اپنا نام محمد ابرار ولد عبد الجبار سکنہ سیفی لائن کراچی بتلایا۔ گرفتار ملزم کے قبضہ سے چوری شدہ موٹر سائیکل برآمد کرکے ملزم کے خلاف مقدمہ نمبر 31/2023 بجرم411 ت پ درج کر کے تفتیش جاری ہے۔