کراچی، ڈکیتی کی واردارت کے دوران مزاحمت پرمسلح ڈاکوؤں کی فائرنگ، نوجوان جاں بحق
کراچی(ڈیلی گرین گوادر) گولیمارکی سینیٹری مارکیٹ میں پانی کے پمپ وموٹروں کی دکان میں ڈکیتی کی واردارت کے دوران مزاحمت پرمسلح ڈاکوؤں کی فائرنگ سے نوجوان پلمبر جاں بحق دوسرا پلمبرشدید زخمی ہوگیا۔تفصیلات کے مطابق رواں سال شہر قائد میں ڈکیتی مزاحمت پر جاں بحق ہونے والے شہریوں کی تعداد 49 ہو گئی۔ جاں بحق ہونے والے نوجوان کی شناخت25 سالہ نوجوان دانیال ولد صابراورزخمی شخص کی شناخت 50 سالہ سلیم ولد امیراحمد خان کے نام سے کی گئی۔
موٹرسائیکل سوار2 ڈاکودکان میں ڈکیتی کی نیت سے داخل ہوئے اور ڈاکوؤں نے اسلحہ تاناتو اسی دوراندکاندارکے بیٹے نعمان نے اپنے لائسنس یافتہ نائن ایم ایم پستول سے ڈاکوؤں پرفائرنگ کردی جس پرڈاکوبھی فائرنگ کرتے ہوئے اپنی موٹر سائیکل موقع پر چھوڑ کر فرارہوگئے۔ڈاکوؤں کی فائرنگ سے دکان میں موجود ایک پلمبر دانیال پر گولی لگنے سے جاں بحق اور دوسرا پلمبر سلیم زخمی ہوگیا۔ پولیس حکام کے مطابق جائے پولیس نے وقوعہ سے شواہد اکٹھا کرکے واقعے کی تفتیش شروع کردی گئی۔
