پارٹی ورکرنے اپنی کروڑوں کی جائیداد مریم نواز کے نام کردی

آزاد کشمیر (ڈیلی گرین گوادر) آزاد کشمیر میں مسلم لیگ ن کے کارکن اور سپورٹر زاہد حسین نے کروڑوں مالیت کی اراضی مریم نواز کے نام کردی مسلم لیگ ن کی نائب صدر مریم نواز نے ٹوئٹر پر اپنے ایک مداح اور کارکن کی ٹوئٹ کو مینشن کرتے ہوئے حیرت کے عالم میں لکھا کہ ’’یا اللہ اس شخص نے ایسا کیوں کیا۔ یہ دل کو چُھو لینے والی ہے۔

آزاد کشمیر کے شہر راولا کوٹ کے رہائشی زاہد حسین نامی شخص کی اپنی کروڑوں کی جائیداد مسلم لیگ ن کی نائب صدر مریم نواز کے نام کرنے کی وصیت ٹوئٹر پر راجا نادر نامی صارف نے شیئر کی تھی وصیت نامے میں لکھا تھا کہ میں زاہد حسین ولد ولایت حسین مکمل ہوش وحواس اور کسی دباؤ کے بغیر اپنی مرضی سے اپنی تمام اراضی چاہے 50 ہزار کنال ہو یا 32 ہزار کنال، مریم نواز شریف کے نام کرتا ہوں۔ وہ اس جائیداد کو جہاں چاہیں اور جیسے چاہیں استعمال کریں۔