سعودی عرب میں افسوسناک ٹریفک حادثہ، 9 پاکستانی جاں بحق ، 5 زخمی ہوگئے

ریاض (ڈیلی گرین گوادر)سعودی عرب میں پیش آنے والے ایک اندوہناک ٹریفک حادثے میں 9 پاکستانی شہری جاں بحق جبکہ5 زخمی ہوگئے ہیں میڈیا رپورٹس کے مطابق حادثے میں جاں بحق ہونے والے پاکستانیوں کا تعلق ضلع ننکانہ صاحب کے نواحی دیہات اسلام نگر اور چک اٹھارہ سے ہے۔ یہ تمام افراد وزٹ ویزے پر سعودی عرب میں رہائش پذیر تھے۔

جاں بحق افراد عمرے کی ادائیگی کرنے گیا تھا، تاہم مدینہ منورہ سے واپس دارالحکومت ریاض آتے ہوئے علاقہ القصیم کے قریب ٹریفک حادثے کا شکار ہوگئے۔جاں بحق ہونے والوں میںعماریہ بی بی زوجہ محمد طیب گورایہ، ام عمارہ زوجہ شہباز علی، شہباز علی ولد محمد یونس، ذوالفقار علی ودیگر شامل ہیں۔

ان کے علاوہ اس افسوسناک حادثے میں محمد داد ولد طیب ، حریم فاطمہ ، محمد شہباز ، تحریم فاطمہ ولد محمد شہباز ، ابوذر ولد طیب اور حرم فاطمہ ولد محمد طیب بھی شامل ہیں ۔ زخمیوں میں محمد طیب عبدالحادی، محمد شہباز اور عبد الوہاب ولد محمد شہباز شامل ہیں۔