عید الفطر کیلئے مسافروں کو اپنوں کے ساتھ عید منانے کیلئے خصوصی ٹرین آج کوئٹہ سے روانہ ہوگی

کوئٹہ(ڈیلی گرین گوادر)عید الفطر کیلئے مسافروں کو اپنوں کے ساتھ عید منانے کیلئے خصوصی ٹرین آج کوئٹہ سے روانہ ہوگی۔یاد رہے کہ پاکستان ریلویز نے عید الفطر کی تعطیلات کے دوران عوام کی سفری ضروریات کو پورا کرنے کے لیے پانچ خصوصی ٹرینیں چلانے کا اعلان کیا ہے۔ یہ ٹرینیں کوئٹہ،راولپنڈی،کراچی سے لاہور اور کراچی اور پشاور سے ملک بھر کے مختلف مقامات کیلئے چلیں گی۔پہلی خصوصی ٹرین 18 اپریل کو کوئٹہ سے راولپنڈی اوردوسری ٹرین کراچی سے پشاور کینٹ کے لیے روانہ ہوگی 19 اپریل کو تیسری خصوصی ٹرین کراچی سے لاہور کیلئے روانہ ہوگی جس سے دونوں شہروں کے درمیان سفر کرنے والوں کو آسان اور سستی آپشن فراہم ہوگی۔ چوتھی ٹرین 26 اپریل کو راولپنڈی سے کوئٹہ اور پانچویں وآخری اسپیشل ٹرین 27 اپریل کو لاہور سے کراچی کیلئے روانہ ہوگی۔