کوئٹہ سے عید اسپیشل ٹرین 18 اپریل کو پشاور کیلئے روانہ ہوگی
کوئٹہ(ڈیلی گرین گوادر) کوئٹہ سے عید اسپیشل ٹرین 18 اپریل کو پشاور کیلئے روانہ ہوگی۔ ترجمان ریلوے کے مطابق کوئٹہ سے 11 بوگیوں پر مشتمل عید اسپیشل ٹرین 18 اپریل کوصبح 10 بجے مسافروں کو لیکر پشاور کیلئے روانہ ہوگی ریزرویشن کوئٹہ آفس سے عید اسپیشل ٹرین کی بکنگ شروع کر دی گئی ہے۔ترجمان کے مطابق گزشتہ سال مون سون کی بارشوں کے دوران سیلاب سے بولان میں ہرک پل گر گیا تھا ٹریک پل کی تعمیر کے 7 ماہ بعد جعفر ایکسپریس ٹرین کوئٹہ سے پشاور کیلئے روانہ ہوگی اس سے قبل کوئٹہ سے مچھ تک مسافروں کو بسوں پر لے جایا جاتا تھا۔
