میانمار میں فوجی حکومت کی فضائی بمباری سے ہلاک ہونے والوں کی تعداد 100 ہوگئی۔

میانمار : غیر ملکی خبر رساں ادارے کے مطابق میانمار کے شمال مغربی علاقے ساگانگ میں منگل کو فوج نے فضائی حملے کیے جس میں سانگ گانگ کے گاؤں بالو کو نشانہ بنایا گیا۔میانمار کی قومی اتحادی حکومت کا کہنا ہےکہ بالو گاؤں کو نشانہ اس وقت بنایا گیا جب شہریوں کی بڑی تعداد علاقے میں نئے ٹاؤن آفس کے افتتاح کے موقع پر موجود تھی۔حکومتی حکام کا کہنا ہےکہ فضائی حملے میں خواتین اور بچے بھی مارے گئے جب کہ مرنے والوں میں بعض حاملہ خواتین بھی شامل ہیں۔قومی اتحادی حکومت نے اس فضائی حملے کو جنگی جرم اور گھناؤنا فعل قرار دیا ہے۔