کویت:خاتون کے روپ میں بھیک مانگتے ہوئے پاکستانی شخص گرفتار،بھاری کرنسی برآمد

اسلام آباد (ڈیلی گرین گوادر) خاتون کے روپ میں بھیک مانگتے ہوئے پاکستانی مرد کو گرفتار کرلیاگیا۔ کویت میں انتظامیہ کی جانب سے رمضان المبارک میں پیشہ ور بھکاریوں کیخلاف کارروائی کی گئی، انتظامیہ نے برقعہ پہنے بھیک مانگتے ہوئے پاکستانی مرد کو گرفتار کرلیا، جس سے بھاری کویتی کرنسی اور دیگر قیمتی اشیا برآمد ہوئی ہے۔ تفصیلات کے مطابق رمضان المبارک کے آتے ہی پاکستان سمیت تمام اسلامی ملکوں میں سڑکوں پر بھیک مانگنے والوں کی بڑی تعداد نظر آتی ہے جو سگنلز پر کھڑے ہو کر گاڑی سواروں سے رقم کا تقاضا کرتے ہیں، جس پر گاڑی سوار ماہ مقدس کے احترام میں اپنے آمدن سے کچھ رقم ان بھکاریوں کو دے دیتے ہیں۔