مانجھی پور، آگ بھڑک اٹھی جس کے نتیجے میں تین گھر جل کر راکھ ہوگئے
مانجھی پور(ڈیلی گرین گوادر) مانجھی پور کے قریبی گاؤں میں اچانک آگ لگنے سے تین گھر جل کر راکھ ہوگئے۔تفصیلات کے مطابق مانجھی پور کے قریبی گاؤں میر سرفراز خان کھوسہ میں بگٹی برادری کے گھروں کو اچانک آگ بھڑک اٹھی جس کے نتیجے میں تین گھر جل کر راکھ ہوگئے تمام گھریلوں سامان، بکری،نقدی، اناج بھی جل گئے آگ متاثرین نے ڈپٹی کمشنر صحبت پور ودیگر اعلی حکام سے امداد فراہمی کا مطالبہ کیا ہے۔
