بھارتی اداکار ویویان ڈی سینا کا اسلام قبول کرنے کا اعتراف

ممبئی بھارتی ٹی وی ڈراموں کے اداکار ویویان ڈی سینا نے اسلام قبول کرنے کا اعتراف کر لیا۔ بھارتی میڈیا رپورٹ کے مطابق اداکار ویویان ڈی سینا نے اپنی دوسری شادی پر خاموشی توڑتے ہوئے انکشاف کیا ہے کہ انہوں نے مصر کی ایک سابق صحافی نوران علی سے تقریباً ایک سال قبل مصر میں شادی کی تھی اور ان کی ایک 4 ماہ کی بیٹی بھی ہے۔ ویویان نے ایک حالیہ انٹرویو میں یہ بھی انکشاف کیا کہ وہ عیسائی گھرانے میں پیدا ہوئے تھے مگر وہ 2019 کے ماہِ رمضان سے اسلام قبول کر چکے ہیں ان کا کہنا تھا کہ دن میں پانچ وقت کی نماز پڑھنے سے بہت سکون ملتا ہے۔