مفت آٹے کے حصول کی تگ ودو میں ایک اور خاتون جان سےگئی

اسلام آباد (ڈیلی گرین گوادر) حکومت کی جانب سے مفت آٹےکی تقسیم کے دوران ایک اور خاتون جان سے ہاتھ دھو بیٹھی۔ریسکیو ذرائع کا کہنا ہےکہ جہانیاں کرکٹ اسٹیڈیم میں قائم آٹا پوائنٹ پر بھگدڑ سے 2 خواتین بے ہوش ہوگئیں، دونوں خواتین کو اسپتال منتقل کردیا گیا، ایک خاتون دوران علاج دل کا دورہ پڑنے سےجاں بحق ہوگئی۔

اس سے قبل ساہیوال کے نواز شریف پارک میں بھی مفت آٹے کی تقسیم کے دوران بھگدڑ مچ گئی تھی جس میں 19 خواتین زخمی ہوئیں جنہیں فوری طور پر طبی امداد کے لیے اسپتال منتقل کیا گیا، بھگدڑ مچنے کے نتیجے میں ایک خاتون جاں بحق بھی ہوئیں۔