عمرہ زائرین کی بس میں آتشزدگی، 20 افراد جاں بحق،متعدد زخمی

سعودی(ڈیلی گرین گوادر) سعودی عرب میں عمرہ زائرین کی بس میں آتشزدگی کے باعث 20 افراد جاں بحق جبکہ 29 افراد شدید زخمی ہوگئے۔سعودی ریسکیو ذرائع کے مطابق بس حادثہ عسیر ریجن میں عقبہ کے مقام پر پیش آیا، حادثے کے بعد بس میں آگ لگ گئی۔ بس میں مختلف ممالک کے اقامہ ہولڈرشہری سوار تھے۔یاد رہے کہ گزشتہ سال اگست میں بھی مکہ المکرمہ جانے والی بس کو پیش آنے والے ٹریفک حادثے میں دو افراد جاں بحق اور 18 دیگر زخمی ہو گئے تھے۔اس سے قبل سنہ 2019 میں مکہ مکرمہ مدینہ منورہ روڈ پر بس اور گاڑی میں تصادم کے باعث آتشزدگی کا واقعہ پیش آیا تھا جس سے 35 افراد جاں بحق جبکہ 3 زخمی ہو گئے تھے۔