محکمہ موسمیات نے بالائی علاقوں میں مطلع ابر آلود اور مزید بارش ہونے کی پیش گوئی کردی

اسلام آباد (ڈیلی گرین گوادر) اسلام آباد میں وقفے وقفے سے بارش کا سلسلہ جاری ہے ، اسلام آباد میں گرج چمک کے ساتھ مزید بارش ہوگی ۔محکمہ موسمیات کے مطابق ملک کے بالائی علاقوں میں آج مطلع ابر آلود رہنے کا امکان ہے ، خیبرپختونخوا کے بیشتر اضلاع میں مطلع جزوی ابرآلود رہے گا۔

محکمہ موسمیات کا مزید کہنا تھا کہ سوات،دیر،مالاکنڈ، مانسہرہ،ایبٹ آباد،بالاکوٹ، کوہاٹ ،پشاور اورکرم میں مزید بارش متوقع مری،گلیات،راولپنڈی،اٹک،جہلم،چکوال میں تیز ہواؤں اور بارش کا امکان ہے ۔

جبکہ گوجرانوالہ،منڈی بہاؤالدین،حافظ آباد، لاہور،گجرات، نارووال ، سیالکوٹ اورمیانوالی میں بھی مزید بارش متوقع کوئٹہ،ژوب، بارکھان،سبی،جعفرآباد، نصیرآباد،زیارت،چمن اور پشین میں بارش کا امکان ہے ۔