حب ساکران روڈ پر کلینک پر مسلح موٹر سائیکل سواروں کی فائرنگ 2 افرادزخمی

حب(ڈیلی گرین گوادر)حب ساکران روڈ پر کلینک پر مسلح موٹر سائیکل سواروں کی فائرنگ 2افرادزخمی ہو گئے۔ پو لیس کے مطابق منگل کی شب حب شہر میں ساکران روڈ رشید آباد میں واقع ایک پرائیوٹ کلینک پر دو مسلح موٹر سائیکل سوار افراد نے فائرنگ کر دی جس کے نتیجے میں دو افراد شیراز اور بہاول زخمی ہو گئے۔پولیس کے مطابق شیراز کا تعلق لیاری گینگ وار سے بتایا جاتا ہے جو کہ وقوعہ کے وقت موٹر سائیکل سے گرنے کی وجہ سے مذکورہ کلینک پر ڈریسنگ کرانے آیا تھا پولیس کے مطابق شیراز کو 5سے زائد گولیاں لگی ہیں جسے حب اسپتال میں ابتدائی طبی امداد کے بعد کراچی منتقل کردیا گیا ہے جبکہ کلینک کے ملازم ڈریسر بہاول کی حالت خطرے سے باہر بتائی جاتی ہے پولیس کے مطابق فائرنگ کرنے والے مسلح ملزمان فرار ہونے میں کامیاب ہو گئے تاہم علاقے کی ناکہ بندی کردی گئی ہے۔