وزیراعلیٰ بلوچستان میرعبدالقدوس بزنجو ایک روزہ دورے پر گوادر سے تربت پہنچے

تربت (ڈیلی گرین گوادر)وزیراعلیٰ بلوچستان میرعبدالقدوس بزنجو ایک روزہ دورے پر گوادر سے تربت پہنچے، وزیر اعلیٰ بلوچستان نے تربت کے علاقہ دشتی بازارمیں صوبائی مشیر پی ایچ ای لالہ رشید دشتی کی رہائشگاہ پر جاکر ان سے انکے بڑے بھائی غلام حسین دشتی کی وفات پر فاتحہ خوانی کرکے تعزیت کااظہار کیا اس دوران انہوں نے دعا کرتے ہوئے کہا کہ اللّٰہ تعالیٰ مرحوم کی مغفرت فرمائے اور انہیں جنت الفردوس میں اعلی مقام عطاء فرمائے اور انکے پسماندگان کو صبر جمیل عطاء فرمائے اس موقع پر صوبائی وزیر داخلہ میرضیالانگو، گوادرکے ایم پی اے میرحمل کلمتی، پرنسپل سیکرٹری ٹو وزیر اعلیٰ عمران گچکی،پی ایس ٹو وزیراعلی بلوچستان انیس طارق گورگیج،کمشنرمکران ڈویژن سید فیصل شاہ، قائم مقام ڈپٹی کمشنر کیچ عقیل کریم،اسسٹنٹ کمشنر تربت بہرام سلیم، اسسٹنٹ کمشنر دشت جہانزیب بلوچ،ایس ایس پی کیچ محمد بلوچ اور دیگر اعلیٰ حکام بھی وزیراعلء کے ہمراہ تھے۔