اینٹی نارکوٹکس فورس بلوچستان کی مختلف کاروائیوں میں منشیات بر آمد 3 ملزمان گرفتار

کوئٹہ(ڈیلی گرین گوادر) اینٹی نارکوٹکس فورس بلوچستان کی مختلف کاروائیوں میں بھا ری مقدار میں منشیات بر آمد 3ملزمان کو گرفتار کر لیا گیا۔ ترجمان اینٹی نارکوٹکس فورس بلوچستان کے مطابق اینٹی نارکوٹکس فورس بلوچستان نے5مختلف کاروائیوں میں 3لاکھ 1ہزار 4سو70کلوگرام منشیات برآمد کر کے 3ملزمان کو گرفتار کیا جبکہ2 گاڑیاں بھی قبضے میں لے لی۔ برآمدہ منشیات میں 3کلو افیون، 2لاکھ 91ہزار 6سو کلوچرس،3ہزار 70کلو میتھ ایمفیٹامائن (آئس) اور 3ہزار 8سوکلومارفین شامل ہیں۔تمام مقدمات انسداد ِ منشیات ایکٹ کے تحت متعلقہ تھانوں میں درج کرکے تفتیش شروع کر دی ۔