پنجگور، مسلح موٹرسائیکل سواروں کی سیکورٹی فورسز پرفائرنگ 1 اہلکار جاں بحق
پنجگور(ڈیلی گرین گوادر)بلوچستان کے ضلع پنجگور میں مسلح موٹرسائیکل سواروں کی سیکورٹی فورسز پر فائرنگ ایک اہلکار جاں بحق ہوگیاہے۔اطلاعات کے مطابق گزشتہ روز پنجگور کے علاقے نیو کمپلیکس چتکان بازار بس ٹرمینل کے قریب مسلح موٹرسائیکل سواروں کی فائرنگ سے ایک سیکورٹی اہلکار زخمی ہوگیاہے جنہیں طبی امداد کیلئے سول ہسپتال منتقل کردیاگیاہے جہاں وہ زخموں کی تاب نہ لاتے ہوئے چل بسے۔سیکورٹی فورسز کی گاڑی کیمپ کی جانب جارہی تھی کہ مسلح موٹرسائیکل سواروں نے گاڑی پر فائرنگ کردی جس کے نتیجے میں ایک اہلکار انصار نامی سپاہی زخمی ہوگئے جنہیں ہسپتال منتقل کردیاگیا تاہم وہ جانبر نہ ہوسکے۔مزیدتفتیش سیکورٹی ادارے کررہے ہیں۔
