کوئٹہ ، زیر تعمیر عمارت گرنے سے ایک شخص جاں بحق 5 افراد زخمی

کوئٹہ(ڈیلی گرین گوادر) کوئٹہ میں زیر تعمیر عمارت گر نے سے ایک شخص جاں بحق 5افراد زخمی ہو گئے۔ تفصیلات کے مطابق منگل کو کوئٹہ کے علا قے اسٹیورٹ روڈ پر زیرتعمیر عمارت اچانک زمین بوس ہو گئی جس کے نتیجے میں عمارت میں کام کر نے والے 6مزدور ملبے تلے دب گئے واقعے کی اطلاع ملتے ہی پی ڈی ایم اے، ضلعی انتظامیہ اور میٹرو پو لیٹن کار پوریشن کے ایڈ منسٹریٹر نے مشتر کہ ریسکیو آپریشن شروع کر دیا جس کے دوران پانچ مزدوروں کو زخمی حالت میں پچا لیا گیا جبکہ ایک شخص کی لاش ملبے سے نکال لی گئی، ریسکیو حکا م نے لاش اور زخمیوں کو ہسپتال منتقل کر دیا۔ایڈمنسٹریٹر میٹر پو لیٹن کار پو ریشن کوئٹہ عبد الجبار بلو چ نے جائے وقوعہ پر میڈ یا سے گفتگو کر تے ہوئے بتایا کہ اسٹیورٹ روڈ پر گر نے والی عمارت رہائشی اور زیر تعمیر تھی ما لک مکان اور شٹرنگ کر نے والے شخص نے جلد بازی کا مظاہر ہ کر تے ہوئے چھت سے شٹرنگ نکا لی جس سے عمارت زمین بوس ہو گئی۔ انہوں نے کہاکہ عمارت کے مالک کے خلاف قانونی کارائی عمل میں لائی جا رہی ہے