کوئٹہ،موسیٰ چیک پوسٹ پر خود کش دھماکا،1 شخص جاں بحق،پانچ زخمی

کوئٹہ(ڈیلی گرین گوادر) کوئٹہ کے علاقے گلستان روڈ پر خود کش حملے میں ایک شخص جاں بحق، جب کہ پانچ زخمی ہوگئے۔ جب کہ دھماکے کے مقام سے خود کش حملہ آور کے جسمانی اعضا بھی برآمد کیے گئے ہیں۔ابتدائی موصول اطلاعات کے مطابق دھماکا آج بروز اتوار 5 فروری کو کوئٹہ کی مصرف شاہراہ گلستان روڈ پر واقع موسیٰ چیک پوسٹ گیٹ نمبر تین پر ہوا ہے، جب کہ سیکیورٹی اہلکاروں نے علاقے کو گھیرے میں لے لیا ہے۔

دھماکے کی اطلاع ملتے ہی امدادی ٹیمیں موقع پر پہنچ گئیں، جب کہ تین زخمیوں کو بے نظیر اسپتال منتقل کیا گیا ہے۔ دھماکا اتنا شدید تھا کہ اس کی آواز دور دور تک سنی گئی۔پولیس کے مطابق دھماکے کی اطلاع ملتے ہی بم ڈسپوزل اسکواڈ کی ٹیمیں بھی موقع پر پہنچ گئی ہیں، جائے وقوع سے اہم شواہد، بال بیئرنگ اور خود کش حملہ آور کے جسمانی اعضا بھی برآمد کیے گئے ہیں۔