چمن، گھر میں پریشر ککر پھٹنے سے خاتون جاں بحق دو افراد زخمی
کوئٹہ(ڈیلی گرین گوادر) چمن میں گھر میں پریشر ککر پھٹنے سے خاتون جاں بحق دو افراد زخمی ہوگئے۔ ریسکیو حکام کے مطابق منگل کو چمن میں کلی حبیب میں واقعہ مکان میں پریشر ککر دھماکے سے پھٹ گیا جس کے نتیجے میں مکان کی چھت منہدم ہوگئی۔ حکام کے مطابق ملبے تلے دب کر ایک خاتون جاں بحق جبکہ دو افراد زخمی ہوگئے۔ریسکیو حکام نے لاش اور زخمیوں کو ہسپتال منتقل کردیا جہاں ضروری کاروائی کے بعد لاش ورثاء کے حوالے کردی گئی۔
