ڈسٹرکٹ چاغی کرکٹ کلب نے ڈسٹرکٹ گوادر کی کرکٹ ٹیم کو پانچ وکٹوں سے شکست دیدی

دالبندین(ڈیلی گرین گوادر)گوادر اسپورٹس فیسٹیول اینڈ بیچ گیمز 2023 بمقام گوادر نیا آباد کرکٹ گراؤنڈ گوادر میں ڈسٹرکٹ چاغی کرکٹ کلب نے ڈسٹرکٹ گوادر کی کرکٹ ٹیم کو پانچ وکٹوں سے شکست دیدی ٹاس جیت کر گوادر نے پہلے کھیلتے ہوئے مقررہ بیس اوورز میں 7 وکٹوں کے نقصان پر 180 رنز کا ٹارگٹ دیا جس میں دلشاد کے 59 رنز شامل تھے ڈسٹرکٹ چاغی کی طرف سے جاوید اقبال نے دو کھلاڑیوں کو آؤٹ کیا بعد میں مطلوبہ ہدف کے تعاقب میں ابتدائی اوپنر بلے بازوں نے بہترین بیٹنگ کا مظاہرہ کرتے ہوئے گراؤنڈ کے چاروں اطراف چھکے اور چوکوں کی بارش کردی جس میں کپتان شہزاد امام نے 16 گیندوں پر 53 جاوید اقبال نے ناٹ آؤٹ 47 اور عمران ثاقب نے 37 رنز اسکور کیے ڈسٹرکٹ گوادر کی طرف سے نوجوان باؤلر اللہ رکھا نے بہترین باؤلنگ کا مظاہرہ کرتے ہوئے چار کھلاڑیوں کو پویلین کی راہ دکھائی اس طرح یہ میچ ڈسٹرکٹ چاغی نے پانچ وکٹوں سے جیت لیا ٹیم کے کوچ شوکت بلوچ نے ٹیم کو شاندار جیت پر مبارکباد پیش کرتے ہوئے کہا کہ انشاء اللہ ڈسٹرکٹ چاغی کی ٹیم ایک بہترین ٹیم ہے جو کسی بھی ٹیم کو ہرانے کی صلاحیت رکھتا ہے تمام کھلاڑی اسی طرح آنے والے میچز میں بہترین کھیل پیش کرکے ٹائٹل اپنے نام کر لیں