صوبائی وزیر مبین خلجی کی گاڑی کو عوام نے سڑ ک پر روک لیا،مبین خلجی اورعلاقے کے عوام آپس میں الجھ پڑے،گالم گلوچ کی ویڈیو وائرل

کوئٹہ(ڈیلی گرین گوادر) پی ٹی آئی کے رہنماء صوبائی وزیر مبین خلجی کی گاڑی کو عوام نے سڑ ک پر روک لیا، مبین خلجی اور علاقے کے عوام آپس میں الجھ پڑے گالم گلوچ کی ویڈیو وائرل ہوگئی۔تفصیلات کے مطابق گزشتہ روز کوئٹہ کے علاقے نواں کلی میں گیس اور بجلی کی لوڈشیڈنگ کے خلاف احتجاجی مظاہرہ جاری تھاکہ اس دورانصوبائی وزیر مبین خلجی کا وہاں سے گزر ہوا۔ ویڈیو میں دیکھا جاسکتا ہے کہ مظاہرین نے صوبائی وزیر کی گاڑی کو روکا اور ان کے سامنے احتجاج شروع کردیا اس موقع پر مبین خلجی گاڑی سے اترے اور گالم گلوچ شروع کردی جس پر مظاہرین نے بھی رد عمل میں انہیں گالیاں دیں جبکہ مبین خلجی اور مظاہرین آپس میں الجھ پڑے اس موقع پر مبین خلجی کے گارڈز اور شہریوں نے بیچ بچاؤ کروایا اور مبین خلجی موقع سے روانہ ہوگئے۔ واقعہ کے حوالے سے مبین خلجی سے متعدد بار رابطہ کرنے کی کوشش کی گئی تاہم انکا موبائل نمبر مسلسل بند رہا۔