110 دواؤں کی قیمتیں بڑھانے کی تیاریاں

پاکستان (ڈیلی گرین گوادر) ڈریپ نے 110 ادویہ کی قیمتیں بڑھانے کی سفارش کردی ہے۔ڈریپ نے 110 دواؤں کی قیمتیں بڑھانے کی تیاریاں شروع کردی ہیں، اور حکومت سے ان ادویہ کی قیمتیں 10 سے 50 فیصد بڑھانے کی سفارش کردی ہے۔ڈریپ کی جانب سے کینسر، امراض قلب، بلڈ پریشر اور دماغی امراض کی دواؤں کی قیمتیں بڑھانے کی سفارش کی گئی ہے، اور کہا گیا ہے کہ ملک میں عدم دستیاب 110 دواؤں کی قیمت بڑھائی جائے، اور دواؤں کی قیمت میں 10 سے 50 فيصد تک اضافے کی تجويز دی گئی ہے ۔واضح رہے کہ ڈریپ اس سے پہلے دواؤں کے ممکنہ بحران کی مسلسل تردید کرتا رہا ہے۔