شکارپور، وین اور کار میں تصادم، 3 افراد جاں بحق، 7 زخمی

شکارپور (ڈیلی گرین گوادر)شکارپور میں انڈس ہائی وے پر مسافر وین اور کار میں تصادم کے نتیجے میں 3 افراد جاں بحق اور 7 زخمی ہوگئے۔پولیس کے مطابق شکارپور میں خانپور انڈس ہائی وے پر مسافر وین اور کار میں تصادم ہوگیا، واقعے میں 3 افراد موقع پر ہی جاں بحق اور 7 زخمی ہوگئے۔پولیس کا کہنا ہے کہ لاشوں اور زخمیوں کو خانپور منتقل کردیا گیا ہے، کچھ زخمیوں کی حالت تشویشناک ہے۔