کوئٹہ سمیت بلو چستان کے مختلف علاقوں میں موسم شدید سرد اور خشک رہا

کوئٹہ(ڈیلی گرین گوادر) کوئٹہ سمیت بلو چستان کے مختلف علاقوں میں موسم شدید سرد اور خشک رہا۔ محکمہ موسمیات کے مطابق جمعرات کو زیارت میں منفی 12، قلات میں منفی 8اور کو ئٹہ میں منفی 5 ریکارڈ کیا گیا۔محکمہ موسمیات کے مطابق جمعرات کو صوبہ کے بیشتر اضلاع میں موسم شدید سرداور خشک رہا جس کے باعث بلو چستان کے مختلف علاقوں میں گیس کی فراہمی معطل رہنے کے ساتھ ساتھ بجلی کی لوڈ شیڈنگ بھی جاری شہریوں کی مشکلات میں اضا فہ ہو گیا۔ محکمہ موسمیات کے مطابق آج (جمعہ)کو بھی صوبے کے بیشتر اضلاع میں موسم شدید سرداور خشک رہنے کا امکان ہے۔