عام انتخابات میں جدید ٹیکنالوجی استعمال کرنے کا فیصلہ
اسلام آباد(ڈیلی گرین گوادر) الیکشن کمیشن نے آئندہ عام انتخابات میں جدید ٹیکنالوجی استعمال کرنے کا فیصلہ کر لیا۔الیکشن کمیشن کے مطابق ضلعی سطح پر قائم دفاتر میں انٹرنیٹ اور دیگر مسائل کو جاننے کے لیے سروے کا آغاز کر دیا گیا ہے جبکہ تمام ڈسٹرکٹ الیکشن کمشنز کے دفاتر میں جدید ٹیکنالوجی کو انسٹال کیا جائے گا۔
الیکشن کمیشن نے جدید ٹیکنالوجی کے استعمال کو یقینی بنانے کے لیے پاکستان ٹیلی کمیونیکیشن اتھارٹی (پی ٹی سی ایل) کی خدمات بھی حاصل کر لیں۔ترجمان کے مطابق ضلعی سطح پر قائم دفاتر میں الیکٹرول سسٹم اپ گریڈ اور انٹرنیٹ تک رسائی کو یقینی بنایا جائے گا۔
الیکشن کمیشن نے ڈسٹرکٹ الیکشن کمشنرز کو پی ٹی سی ایل کی ٹیموں سے مکمل تعاون کی ہدایات بھی جاری کر دیں۔ آئندہ عام انتخابات میں جدید ٹیکنالوجی کے استعمال سے انتخابی نتائج بروقت کرنے میں مدد ملے گی۔الیکشن کمیشن نے خط کی کاپی پنجاب، سندھ، بلوچستان اور خیبرپختونخوا میں قائم دفاتر کو بھی بھجوا دی۔
