بلوچستان میں سندک پراجیکٹ سمیت دیگر ترقیاتی پراجیکٹ پیپلز پارٹی کی مرہون منت ہے، روزی خان کاکڑ

اوستہ محمد(ڈیلی گرین گوادر)پاکستان پیپلز پارٹی بلوچستان کے صوبائی جنرل سیکرٹری روزی خان کاکڑ نے دیگر قیادت کے ساتھ گوٹھ بکھرڑہ میں آ کر سردار زادہ میر فیصل خان جمالی کو چیئرمین بلاول بھٹو اور آصف علی زرداری کی جانب سے پیپلز پارٹی میں شمولیت کی دعوت دی اور پیغام دیا بعد ازاں روزی خان کاکڑ نے میڈیا سے بات چیت کرتے ہوئے کہا کہ ہمیں خوشی ہوگی کہ سردار گھرانا پیپلز پارٹی میں آئے کیونکہ سردارزادہ میر رستم خان جالی اور سردارزادہ میر ناصر خان جمالی ہمارے قریبی دوست تھے انشاء اللہ سردارزادہ میر فیصل خان جمالی کے آنے سے پیپلز پارٹی بلوچستان بھر اور نصیر آباد ڈویڑن میں کلین سوئپ کرے گی اور انشاء اللہ مرکز اور بلوچستان میں پاکستان پیپلز پارٹی کہ حکمت بنے گی ایک سوال کے جواب میں انہوں نے کہا کہ آغاز حقوق بلوچستان و دیگر منصوبے پیپلز پارٹی کے مرہون منت ہے انشاء اللہ آئندہ بھی پیپلز پارٹی بلوچستان کی احساس محرومی کو دور کرے گی انہوں کہا کہ صوبائی حکومت سے لوگ تنگ آ چکے ہیں جو بھی آئے گا ہم اسے خوش آمدید کہیں گے لیکن وہ پارٹی کے نظم و ضبط اور اصولوں پر چلیں گے مسنگ پرسن کے حوالے سے یہ مسئلہ بھی پارٹی حل کرے گی وزیر خارجہ بلاول بھٹو نے اقوام متحدہ میں بہترین طریقے سے موقف پیش کیا ہے اس موقع سردار زادہ میر فیصل خان جمالی نے کہا کہ میں پارٹی کا مشکو ہوں کہ انہوں نے مجھے پاکستان پیپلز پارٹی میں شمولیت کی دعوت دی اور علاقے کے لوگوں کی بھی یہی خواہش ہے کہ میں پیپلز پارٹی میں شامل ہو جاوں اس حوالے سے میں اپنی برادری اور علاقائی معززین سے مشاورت کر کے پیپلز پارٹی میں شمولیت اختیار کروں یہ میں واضح بتاوں کہ آصف زرداری سے پرانے تعلق داری ہے ہمیں اس کو نبھانا بھی ہے۔اس موقع پر بابو محمد امین خان عمرانی حیات کاکڑ۔غلام رسول عمرانی میر حسن خان جمالی سمیت دیگر بھی موجود تھے۔بعد ازاں یہ قافلہ صاحبزادہ سکندر سلطان میر ریاض حسین ہجوانی کے چائے پراٹی دی جبکہ ریاض ہجوانی کو پارٹی میں شمولیت کی دعوت بھی دی۔میر ریاض خان ہجوانی نے بھی شمولیت کے دعوت کو قبول کیا۔اس کے بعد پارٹی قیادت گوٹھ علی آباد جمالی گئی جہاں پی پی پی رہنما میر حیدر علی خان جمالی نے ان کے عزاز میں چائے پارٹی دی اس موقع پر میر حیدر خان جمالی نے خطاب کرتے ہوئے کہا کہ پارٹی انشاء اللہ کلین سوپ کرے گی اور انشاء اللہ کامیاب ہوگی انہوں نے واضح کہا کہ باپ پارٹی والے آرہے ہیں بے شک آئیں لیکن اہمیت پرنے پارٹی والوں کو دی جائے۔سردار بلند خان جوگیزئی نے خطاب کرتے ہوئے پارٹی رہنماوں۔عہدیداروں اور میر حیدر علی جمالی کا شکریہ ادا کیا اور کہا کہ انشاء اللہ پیپلز پارٹی مرکز میں صوبے میں کامیابی حاصل کرے گی۔ بعد ازاں پارٹی قیادت کے عزاز میں پی پی پی رہنما میر خالد حسین جمالی شاہلزئی نے مہمانوں کے اعزاز میں عشائیہ دیا اور ان کا شکریہ ادا کیا اور مہمانوں نے وہیں قیام کیا۔