قلات، نامعلوم افراد کا ٹرک پر دستی بم حملہ

قلات (ڈیلی گرین گوادر) قلات میں نامعلوم افراد کا ٹرک پر دستی بم حملہ کوئی جانی نقصان نہیں ہوا۔ پو لیس کے مطابق اتوار کو قلات کے علاقے گرانی میں قومی شاہراہ پر نامعلوم افراد نے ٹرک پر دستی بم پھینکاجو زور دار دھماکے سے پھٹ گیا قلات میں قومی شاہراہ پر نامعلوم مسلح افراد نے قیمتی پتھر کراچی لیجانے والے ٹرک پر حملہ کر دیا۔ حملے میں ٹرک کے چاروں ٹائر برسٹ ہوگئے ملزمان نے ٹرک کے فرنٹ سائیڈ کو دستی بم سے اڑا دیا حملے سے قبل مسلح افراد نے فرسٹ اور سکنڈ ڈرائیور کو ٹرک سے اتار لیا تھا تاہم دھماکے کے نتیجے میں کوئی جانی نقصان نہیں ہوا۔ پو لیس نے واقعہ کی اطلاع ملتے ہی جائے وقوعہ پر پہنچ کر شواہد اکھٹے کر لئے اور ملزمان کی تلاش شروع کردی مزیدکاروائی جاری ہے۔