نجم سیٹھی اس قبل بھی پی سی بی کے چیئرمین کی زمہ داریاں سر انجام دے چکے ہیں اور اسکا وسیع تجربہ رکھتے ہیں، وزیراعلیٰ بلوچستان

کوئٹہ(ڈیلی گرین گوادر) وزیراعلیٰ بلوچستان میر عبدالقدوس بزنجو نے نجم سیٹھی کی بحیثیت چیئرمین پاکستان کرکٹ بورڈ تعیناتی کا خیر مقدم کرتے ہوئے انہیں مبارکباد پیش کی ہے۔وزیراعلیٰ نے نجم سیٹھی کی تعیناتی کو کر کٹ کے فروغ او ر ترقی کی جانب اہم پیش رفت قرار دیتے ہوئے کہا کہ نجم سیٹھی اس قبل بھی پی سی بی کے چیئرمین کی زمہ داریاں سر انجام دے چکے ہیں اور اسکا وسیع تجربہ رکھتے ہیں۔وزیراعلیٰ نے امید ظاہر کی ہے کہ نجم سیٹھی بلوچستان میں کر کٹ کے فروغ یہاں کے باصلاحیت کھلاڑیوں کی سرپرستی اور انہیں قومی اور بین القوامی میچوں میں نمائندگی دینے کے ساتھ ساتھ کوئٹہ میں پی ایس ایل اور بین القوامی میچوں کے انعقاد کو بھی یقینی بنائیں گے۔وزیراعلیٰ نے کہا ہے کہ بلوچستان میں دیگر کھیلوں کی طرح کر کٹ کے بھی بہترین کھلاڑی اور ٹیلنٹ موجود ہے ضرورت اس امر کی ہے کہ انکی صلاحیتوں کو نکھارنے کے لئے انکی سرپرستی کی جائے تاکہ وہ بھی دنیا کرکٹ میں ملک کانام روشن کرسکیں وزیراعلیٰ نے نجم سیٹھی کی کامیابی کے لئے نیک خواہشات کا اظہار کیا ہے