کوئٹہ میں سردی کی شدت بڑھ گئی، زیارت منفی 2 ڈگری کیساتھ سرد ترین ریکارڈ

کوئٹہ(ڈیلی گرین گوادر) بلوچستان میں سردی کی شدت بڑھنے کے بعد بیشتر اضلاع میں موسم خشک رہنے کا امکان ہے۔محکمہ موسمیات کے مطابق زیارت منفی 2 ڈگری سینٹی گریڈ کے ساتھ صوبے کا سرد ترین علاقہ ریکارڈ کیا گیا ہے جب کہ صوبائی دارالحکومت کوئٹہ میں درجہ حرارت 2 اور قلات میں 3ڈگری سینٹی گریڈ ریکارڈ ہوا ہے۔

علاوہ ازیں نوکنڈی میں درجہ حرارت 4 ، سبی میں 7 ، گوادر میں 11، جیونی میں 10 اور تربت میں 12 ڈگری سینٹی گریڈ ریکارڈکیا گیا۔ماہرین کے مطابق صوبے کے شمالی اضلاع میں سرد موسم کی شدت جاری رہے گی۔