ضلعی کونسل سوراب پر برابر ہونے والے مخصوص نشستوں پر پاکستان پیپلز پارٹی نے میدان مار لیا
سوراب (ڈیلی گرین گوادر) ضلعی کونسل سوراب پر برابر ہونے الے مخصوص نشستوں پر پاکستان پیپلز پارٹی نے میدان مار لیا، اس سلسلے میں قرعہ اندازی کاعمل بھی مکمل ہوگیاہے جس کے بعد 11 یونین کونسل پر پاکستان پیپلز پارٹی کو برتری حاصل ہوگئی جب کہ جمیعت علماء اسلام کو 10 یونین کونسلز میں برتری حاصل ہوگئی جب کہ یو سی 8 "گندان” ایک مرتبہ پھر برابر ہوگیا۔آج ہونے والی قرعہ اندازی میں یونین کونسلز 7 "ڈن” سے جمعیت علماء اسلام کے محمداسحاق قرعہ اندازی کے زریعہ کامیاب قرار پائے یونین کونسل 5 حاجیکہ سے پاکستان پیپلز پارٹی کے "لیڈیز کامیاب ہوگئے۔ یونین کونسل 14 "زبرشکر ڈن” سے ورکرز کی نشست پر پاکستان پیپلز پارٹی کے نعمت اللہ کامیاب ہوگئے یونین کونسل 9 "ریکیزئی” سے ورکرز کی نشست پر پاکستان پیپلز پارٹی کے نجیب اللہ کامیاب ہوگئے جبکہ کسان کی نشست پرپاکستان پیپلز پارٹی کے میرحسن کامیاب ہوگئے۔یونین کونسل 8 گندان سے ورکرز کی نشست پر جمعیت علماء اسلام کے عبدالحق کامیاب ہوگئے جبکہ کسان کی نشست پر پاکستان پیپلز پارٹی کے محمد گل کامیاب ہوگئے یونین کونسل "شہداد زئی” سے لیڈیز کی نشست پر پاکستان پیپلز پارٹی کی امیدوار کامیاب ہوگئی جس کے بعد ضلع کونسل سوراب میں پاکستان پیپلز پارٹی کو واضع برتری حاصل ہوگئی ہے۔
