بی ایف ایشن ٹائٹل فائٹ جیتنے پر باکسر محمد شعیب خان کو مبارکباد پیش کرتے ہیں،وزیراعلیٰ بلوچستان
کوئٹہ(ڈیلی گرین گوادر) وزیراعلیٰ بلوچستان میر عبدالقدوس بزنجو نے بلوچستان سے تعلق رکھنے والے باکسر محمد شعیب خان کی تھائی لینڈ میں پروفیشنل اے بی ایف ایشن ٹائٹل فائٹ جیتنے پر پوری قوم کو مبارک باد پیش کی ہے اپنے تہنیتی پیغام میں وزیراعلیٰ نے کہا کہ قومی باکسر محمد شعیب خان تمام دس راؤنڈر میں ناقابل شکست رہے اور انہوں نے اپنی فتح پاکستان کے نام کی ہے جس پر تمام پاکستانیوں کو فخر ہے وزیراعلیٰ نے کہا کہ کھلاڑی امن کے سفیر ہوتے ہیں اور ان کے باعث سبز ہلالی پرچم دنیا کے مختلف ممالک میں لہراتا ہے انہوں نے کہا کہ محمد شعیب خان کی یہ فتح اس بات کا ثبوت ہے کہ بلوچستان کے نوجوانوں میں ٹیلینٹ کی کوئی کمی نہیں ہے صوبائی حکومت بھی کھیلوں کی ترقی اور ترویج کے اقدامات کے سلسلے کو جاری رکھے گی اور صوبائی سطح پر تمام کھلاڑیوں کی نہ صرف بھرپور پذیرائی کی جائے گی بلکہ انہیں ہر سطح پر تعاون بھی فراہم کیا جائے گا تاکہ وہ یونہی ملک اور قوم کا نام روشن کرتے رہے وزیر اعلی نے اس امر کا اظہار کیا کہ قومی باکسر محمد شعیب خان کی وطن واپسی پر ان کا پرتپاک استقبال کیا جائے گا چیف سیکرٹری بلوچستان عبدالعزیز عقیلی نے بھی اس شاندار فتح پر باکسر محمد شعیب خان کو مبارکباد پیش کی ہے اور ان کی مزید کامیابیوں کے لیے نیک تمناؤں کا اظہار کیا ہے.
