میریونس عزیز زہری علاج کے لئے خصوصی طیارے میں کراچی منتقل

خضدار(ڈیلی گرین گوادر) جے یوآئی کے مرکزی رہنماء رکن صوبائی اسمبلی میر یونس عزیز زہری کو خصو صی طیارے میں علاج کے لئے کراچی منتقل کردیا گیا۔ وہ پیر کی صبح کراچی سے اپنے والد کی وفات پر تدفین اور جنازے میں شرکت کے لئے جنازے کے قافلے کے ہمراہ خضدار زہری آرہے تھے کہ وڈھ کے قریب ان کی گاڑی کو حادثہ پیش آیا جس کے نتیجے میں میر یونس عزیز زہری ان کے فرزند زبرین زہری اور فیملی کے دیگر افراد زخمی ہوگئے جنہیں خضدار لایا گیا۔ یہاں ابتدائی طبی امداد دی گئی اور اس کے بعد بذریعہ خصوصی طیارے میں کراچی منتقل کردیا گیا۔ ڈپٹی کمشنر خضدار میجر ریٹائرڈ محمد الیاس کبزئی کی جانب سے حکومت بلوچستان سے رابطہ انہوں نے خصوصی طیارے کے انتظامات کروائے اس سے پہلے ڈپٹی کمشنر خضدار محمد الیاس کبزئی حادثے کا سن کر از خود وڈھ پہنچے اور انہیں خضدار لایا گیا۔ میر یونس عزیز زہری کو مذید علاج کے لئے کراچی منتقل کردیا گیا۔ ان کو کراچی روانگی کے دوران خضدار ائیرپورٹ پر میر ظفراللہ خان زہری ڈپٹی کمشنر خضدار میجر ریٹائرڈ محمد الیاس کبزئی قبائلی رہنماء و سماجی شخصیت میرمحمد یونس محمد شہی انجمن تاجران خضدار کے صدر حافظ حمیداللہ مینگل بشیر احمد جتک محمد مراد گزوزئی خضدار پریس کلب کے صدر منیر نور گرگناڑی عبداللہ شاہوانی ایم ایس ٹیچنگ ہسپتال خضدار ڈاکٹر سعید احمد شاہوانی پیرامیڈیکس عطاء اللہ محمدحسنی سعداللہ مینگل رئیس محمد اکبر گنگو غلام علی بادشاہ محمد عظیم ٹھیکیدار اللہ گل ریاض قلندرانی سعداللہ شاہوانی اسسٹنٹ کمشنر نال اکبر علی مزار زئی نائب تحصیلدار حبیب گچکی محمد انور قلندرانی محمد یونس موسیانی و دیگر موجود تھے۔